СООПШТЕНИЕ

Судскиот буџетски совет (СБС) известува дека на 247-та седница одржана на ден 01.04.2025 година во рамките на своите законски надлежности согласно Законот за судски буџет усвои:

1. Одлука за обезбедување средства за исплата на додатоци на плата за месец март 2025 година во висина од 10% за судските службеници;

- Одлука за обезбедување средства за исплата на додатоци на плата за месец март 2025 година во висина од 10% за судиите и членовите на Судски совет на РСМ,

2. Под точка Разно:

- беше разгледанo прaшањето околу добивање согласност од Министерството за финансии во врска со Годишниот план за вработување за 2025 година, по што членовите на Советот се согласија повторно да се испрати ургенција до Министерството за финансии за решавање на овој проблем, а со цел да не се доведе до прашање нормалното функционирање на судовите поради недостиг од вработени во судската служба; 

- беше разгледано прашањето за недобивање одговор од Министерството за финансии по барање од Академијата за судии и јавни обвинители за обнова на финансиска согласност за 130 слушатели за почетна обука за 2025 година, по што членовите на Советот се согласија да се испрати ургенција до Министерството за финансии.