Takimi i Kryetares Vesna Dameva me ambasadorin Rokas
Lajm
- Shtëpi
- >
- Lajm
Takimi i Kryetares Vesna Dameva me ambasadorin Rokas
![](/wps/wcm/connect/ssrm/4c5c3ae5-f9b9-4bbb-b289-49f9aaf13462/20241113_115458crop.jpg?MOD=AJPERES&CACHEID=ROOTWORKSPACE.Z18_L8CC1J41L0B520APQFKICD0CR4-4c5c3ae5-f9b9-4bbb-b289-49f9aaf13462-pc-xBS1)
![](/wps/wcm/connect/ssrm/4c5c3ae5-f9b9-4bbb-b289-49f9aaf13462/20241113_115458crop.jpg?MOD=AJPERES&CACHEID=ROOTWORKSPACE.Z18_L8CC1J41L0B520APQFKICD0CR4-4c5c3ae5-f9b9-4bbb-b289-49f9aaf13462-pc-xBS1)
![](/wps/wcm/connect/ssrm/01713a1c-73b8-4aec-89f9-9714ed86471d/20241113_115906zc.jpg?MOD=AJPERES&CACHEID=ROOTWORKSPACE.Z18_L8CC1J41L0B520APQFKICD0CR4-01713a1c-73b8-4aec-89f9-9714ed86471d-pc-xBS1)
![](/wps/wcm/connect/ssrm/b4839c5d-8451-44de-b082-54887b69b806/20241113_115925zc.jpg?MOD=AJPERES&CACHEID=ROOTWORKSPACE.Z18_L8CC1J41L0B520APQFKICD0CR4-b4839c5d-8451-44de-b082-54887b69b806-pc-xBS1)
Takimi i Kryetares Vesna Dameva me ambasadorin Rokas
Kryetarja e Këshillit Gjyqësor, Vesna Dameva, sot është takuar me ambasadorin e BE-së në Republikën e Maqedonisë së Veriut, Mihalis Rokas, i shoqëruar nga zëvendësambasadorja e Delegacionit të BE-së.
Gjatë takimit u diskutuan disa tema lidhur me avancimin e sundimit të ligjit, reformat në sistemin gjyqësor, luftën kundër korrupsionit, strategjinë për menaxhimin e burimeve njerëzore dhe mbështetjen nga BE-ja në procesin e afrimit të Maqedonisë së Veriut më afër anëtarësimit në BE.
Vëmendje e veçantë iu kushtua Raportit të Misionit Vlerësues të BE-së për funksionimin e Këshillit Gjyqësor nga viti 2023, si dhe Raportit të Komisionit Evropian për progresin e Republikës së Maqedonisë së Veriut dhe Agjendës së Reformës në kuadër të Planit të Rritjes për Ballkani Perëndimor nga viti 2024.
Kryetari i Këshillit Gjyqësor Vesna Dameva theksoi rëndësinë e mbështetjes së vazhdueshme nga BE-ja në forcimin e pavarësisë dhe efikasitetit të institucioneve gjyqësore dhe falënderoi për mbështetjen që Këshilli Gjyqësor merr përmes Projektit të BE-së për mbështetjen e sundimit të ligjit.
Ambasadori Rokas i përshëndeti të arriturat e Këshillit Gjyqësor gjatë vitit të kaluar, ripohoi përkushtimin e BE-së për forcimin e sektorit gjyqësor dhe theksoi nevojën për zbatimin e vazhdueshëm të standardeve dhe rekomandimeve evropiane. Ai po ashtu theksoi edhe rëndësinë e dialogut dhe bashkëpunimit konstruktiv ndërmjet autoriteteve gjyqësore dhe institucioneve të tjera të prekur në vend.
Në takim u theksua nevoja e zbatimit të vazhdueshëm të rekomandimeve nga Raporti i Misionit Vlerësues të BE-së. Kryetarja e Këshillit Dameva informoi për sfidat dhe progresin e deritanishëm përmes aktiviteteve të Këshillit Gjyqësor që synojnë zbatimin e rekomandimeve të BE-së dhe konfirmoi angazhimet për përmirësim të mëtutjeshëm të gjendjesë.
Në fund të takimit, Kryetarja Dameva dhe ambasadori Rokas shprehën vullnetin e tyre për bashkëpunim në drejtim të arritjes së synimeve të përbashkëta për një sistem gjyqësor të reformuar, të pavarur, transparent dhe efikas, i cili do të jetë në shërbim të qytetarëve dhe në përputhje me standardet dhe vlerat evropiane.